Rrjeti social “Facebook” është bërë një pjesë e rëndësishme e jetës sonë. Ai është ndërfutur aq shumë në jetën tonë saqë po ndërhyn edhe në jetën tonë familjare, po lidh çifte por edhe po shkatërron familje.
Një burrë nga Anglia, Andy, 44 vjeç ka treguar se bashkëshortja e tij prej 23-vitesh e ka braktisur për një djalë afrikan që ka njohur në “Facebook”.
Heidi Hepworth, 44 vjeç ndryshoi tërësisht pasi filloi të fliste me të panjohur online, bëri tatuazh, bëri solar, filloi të bënte makeup, të vishte fustane, gjëra që nuk i bënte më parë dhe muajin e kaluar mori avionin për në Gambia duke lënë pas bashkëshortin dhe 9 fëmijët për afrikanin, Mamadou Jalloë që njohu në “Facebook”.
“Ajo është bërë e tmerrshme. Ajo ishte e dashur, një mama e kujdesshme dhe tani më duket sikur një alien i ka pushtuar trupin. Afrikani i ka bërë shpëlarje truri”, është shprehur Andy, bashkëshorti i Heidit.
Ndërsa Heidi tha për “The sun”: “Martesa ime kishte probleme. Ne u ndamë. Nuk mund të ketë një grua një lidhje të re?”
Çifti ka 6 fëmijë së bashku ndërsa 3 të tjerët janë nga martesa e parë e Heidit, por që Andy i ka rritur si të tijtë.
“Ajo nuk është më si më parë. Dilte shpesh me miqtë dhe rrinte gjatë gjithë kohës në celular. Një mama e kujdesshme nuk do shkonte të bridhte në Afrikë me të dashurin e ri”, u shpreh Andy.
Ndërsa Heidi tha se me fëmijët flet në “videochat” çdo ditë dhe se i mungojnë shumë.
