Dita e të dashuruarve nuk mund të ishte më perfekte se kaq për gruan me fat, Kim Kardashian!
Bashkëshorti i saj, Kanye West e ka surprizuar 38-vjeçaren me atmosferën më romantike të mundshme.
Trëndafila të bardhë, rozë, të kuq, të gjithë të vendosur në dysheme veç e veç, në gota gjysmë të mbushura me ujë, ngjanin me një skenar të papërsëritur në historinë e njerëzimit.
Sikur të mos mjaftonin detajet e menduara në detaj, në mes të dhomës të mbushur vetëm me trëndafila, performonte i madhi Kenny G, një ndër saksofonistët më të njohur amerikanë.
Duket se Kim, nuk mban asgjë për vete dhe ndan me ndjekësit e saj në Instagram çdo surprizë apo ndodhi të jetës së saj.
Fundja mirë bën, se me këto videot e fundit që publikoi në Insta Story, vërtet na mrekulloi të gjithëve!
