Vetullat janë një detaj shumë i rëndësishëm i dukjes për të gjitha femrat. Ndonëse përpiqemi në maksimum për t’i mirëmbajtur, sërish tek to ka vend për përmirësim.
Megjithatë, për të gjitha ato (si puna ime) që nuk janë të kënaqura me vetullat e tyre, “Cosmopolitan” ju tregon trendin më të ri, i cili do ju bëjë të hiqni dorë një herë e mirë nga lapsi i vetullave.
Behët fjalë për vetullat extension dhe ja çfarë duhet të dini rreth tyre:
Zgjatimi i vetullave me këtë mënyrë është shumë natyral dhe është i ngjashëm me atë të qerpikëve. Ajo bëhet e gjitha në varësi të dëshirës suaj, duke filluar nga gjatësia, trashësia apo forma. Nëse dëshironi të mbushni vetëm hapësira të vogla mund ta bëni pa problem.
Sa zgjasin vetullat extension?
Kjo mënyrë zgjat gati dy javë, megjithatë kjo nuk do të thotë që gjatë kësaj periudhe nuk do të ketë dëme të vogla, të cilat mund të vijnë edhe nga pakujdesia.
Si të kujdesemi për to?
Është e nevojshme që 24 orë pasi të vihen, ato të qëndrojnë të thata pa pasur asnjë kontakt me ujin. Duhet të tregoheni të kujdesshëm kur aplikoni grim apo kur lani fytyrën, pasi produktet mund t’i dëmtojnë vetullat tuaja që si fillim duken delikate.
Ku qëndron ndryshimi midis microblading dhe vetullave extension?
Vetullat microblading janë në formë tatuazhi dhe zgjasin më shumë. Ato mbajnë rreth tre vjet, megjithatë nuk janë shumë të këshillueshëm.
Kjo sepse për 3 vite trendi i formës së vetullës ndryshon dhe ti je i detyruar që për tre vite të mos bësh dot asnjë ndryshim.
