Pas Marios, Ariel është grimieri i dytë shqiptar i motrave Kardashian. Ariel Tejada rrëfeu për emisionin “Pasdite në Top Channel” sesi nisi rrugëtimi i tij drejt famës:
“Deri në moshën 10-vjeçare kam qenë i fokusuar në muzikë, por kam qenë i tërhequr nga e bukura gjithmonë, që kur shihja mamanë teksa vendoste buzëkuqin. Më vonë nisa t’i dedikohem bukurisë dhe nisa si fillim ta aplikoja grimin tek kushërirat e mia! Nuk kam qenë i mirë që në fillim, por unë kam besim shumë të madh, jap 100%për atë që dua të arrij. Nuk më pëlqen ta quaj fat, atë që unë vlej vërtetë, që më është dhënë nga një fuqi e mbinatyrshme!”.
Takimi me Kylie Jenner
Por ajo që e bëri të njohur Arielin ishte takimi me Kylie Jenner, një nga kujtimet më të bukura të tij
“Unë isha në Nju Jork dhe më erdhi një mesazh nga Kylie, unë nuk e besova si fillim, ajo më kërkonte se nëse më binte rruga në Los Angeles, donte të më takonte! Unë e bleva menjëherë biletën, shkova dhe i bëra makijazhin dhe që atëherë ne punojmë së bashku!”.
Pyetjes se çfarë personi është Kylie Jenner, si është të punosh me të, ai iu përgjigj:
“Është personi më i mrekullueshëm që unë njoh, është e çmendur për mua! Kylie më ka trajtuar si të familjes së saj, është njeriu më i ëmbël që unë njoh! Unë mendoj se ne bashkëpunojmë së bashku, ato na besojnë ne si artistë dhe kjo është e rëndësishme, kur dikush beson tek ju, puna bëhet më e mirë!”.
Pyetjes nëse fama e ka ndryshuar Arieli, ai iu përgjigj:
“Fizikisht jam pak ndryshe, por ndiej se zemra ime nuk ka ndryshuar, edhe pse punova me Ariana Grande para 2 ditësh, ambicia dhe motivimi im nuk ka ndryshuar, janë të njëjtat me në fillimet e mia”.
Marrëdhënia me Anxhelina Hadërgjonaj
Prej 4 vitesh ai është mik i ngushtë me Anxhelina Hadërgjonaj.
“Anxhelina ka një zemër të mrekullueshme, mund të qaj tani kur mendoj për të! Ne u takuam përmes një miku të përbashkët!”
Ata jetojnë së bashku dhe natyrshëm ndajnë edhe detyrimet, që ka bashkëjetesa.
“Unë derdh plehrat, ajo lan enët, gjithmonë kemi njerëz që vinë tek ne, nuk jemi asnjëherë vetëm”.
Gabimi i vajzave shqiptare në makijazh
Sa i takon make-up-it të vajzave shqiptare, Arieli u shpreh:
“Nëse duhet të jem i sinqertë, shumë vajza kanë fytyrë të bukur, por vendosim shumë makijazh, jo për sasinë, por për kompozimin e pamjes, nëse ka shumë tek pjesa e buzëve të gjitha bashkohen së bashku dhe grimi bëhet shumë i rënduar”.
