Ka shaka të këndshme, por ka edhe shaka që për pak të ngrinë zemrën. Ja si ky rasti i Kim Kardashian, që për pak pësoi atak kardiak, kur grimieri i njohur shqiptar, Mario Dedivanoviç, i bëri një rreng.
Ishte Mario që publikoi një video shumë gallatë të bërë me Kim, gjatë momentit kur po realizonte grimin e saj.
“Nuk mund ta besoj se ka kaluar 1 vit që nga prezantimi i ‘KKWxMARIO’. Gëzuar përvjetorin e parë dhe 11-vjetorin e të punuarit bashkë!”, shkroi Mario në postimin e bërë në Instagram.
Në video dallohet momenti kur grimieri lyen me pluhurat për sytë komplet faqen e Kim, e cila mbetet e shtangut ndërsa thotë: “Do shfaqem kështu në tapetin e kuq dhe do të them makijazhi nga Mario”.
Ndoshta kur keni 11 vite miqësi një shaka e tillë të falet, por mos provoni t’ia bëni asnjëherë shoqes!
