Shfaqja “Glam Masters” u mbajt të mërkurën në mbrëmje. Kim Kardashian dhe Mario Dedivanoviç treguan gjatë ditës së djeshme përgatitjet për momentin final.
Ka qenë ylli i televizionit, Kim Kardashian, e cila në rrjetin social Instagram, e ka bërë me dije këtë, duke theksuar se ajo dhe Mario do të sjellin diçka krejtësisht të re për publikun.
Emisioni ka për qëllim që të mbledhë grimierët e njohur, të cilët do të jenë në garë me njëri-tjetrin rreth talentit që kanë në fushën e makijazhit.
“Glam Masters” është një konkurs bukurie në stilin e “reality-show”-t, fituesi i të cilit do të punojë me Kim.
Pjesë e jurisë së tij është edhe grimieri shqiptar Mario.
