Greta Koçi ka debatuar me një ndjekës që mendon se këngëtares po i ikën mosha dhe nuk ka gjetur ende një të dashur.
Fakti që ajo nuk flet për jetën private dhe tregohet e rezervuar në rrjetet sociale, është parë nga fansat si një sinjal që këngëtarja nuk ka dikë pranë.
Një ndjekës në Instagram i shkruan këngëtares se në fakt ajo po plaket pa të dashur, mirëpo përgjigjja e Gretës i ka vënë pikën këtyre dyshimeve.
“Së pari, qëllimi i jetës nuk është vetëm për të dashur, por të kesh dashuri me të gjithë njerëzit e zemrës, të kesh sukses dhe të jesh i zoti ti bësh ballë jetës me dinjitet, në mënyrë që ai “Dashuria” kur të vijë tek ty, të të dojë e respektojë me tërë zemrën dhe të jetë i gatshëm që bashkë me ty të ndërtojë një jetë të bukur dhe të shëndetshme”.
Greta na ka bërë të dyshojmë se në të vërtetë mund të ketë diçka të re në jetën e saj private:
“Të garantoj që ai që do vijë drejt meje nuk do jetë i dashur por do jetë burrë me plot kuptimin e fjalës dhe do jetë njeri me vlera dhe integritet”, shkruan këngëtarja në postim.
