Masat kufizuese të Greqisë me Shqipërinë janë rinovuar sërish deri më 12 tetor.
Ministria greke e shëndetësisë bën me dije se mbeten në fuqi kufizimet e lëvizjes për shtetasit shqiptarë që nuk kanë leje qëndrimi në vend ose që dëshirojnë të udhëtojnë për qëllime turistike drejt Greqisë.
Deri në datën 12 tetor, të drejtën për te hyrë në Greqi e kanë vetëm shtetasit shqiptarë me leje qëndrimi dhe punonjësit sezonalë.
Ndërkohë, numri i personave që kalojnë Kakavijën në ditë mbetet 750 dhe Kapshticën 300.
Udhëtarët duhet të kenë plotësuar jo më pak se 24 orë përpara udhëtimit të tyre në vend formën PLF dhe duhet të kenë me vete test PCR negativ, jo më shumë se 72 orë para udhëtimit te tyre.
