Një tërmet me magnitutë 5.2 ballë ka goditur Selanikun dhe të gjithë Greqinë Veriore.
Sipas Institutit Gjeodinamik të Athinës , lëkundja e fuqishme ka ndodhur në orën 19:05 minuta të pasdites të së dielës.
Epiqendra e tërmetit ndodhet 12 kilometra në jugperëndim të zonës detare të Nea Moudania, në Halkidiki, ndërsa thellësia ishte në vetëm 15.9 kilometra, ndaj dhe është ndjerë jashtë mase.
Deri tani nuk ka referime për dëme në njerëz apo në materiale, por dëshmi të qytetarëve tregojnë se ka shkaktuar panik sidomos në banorët e kateve të larta.
