Me rritjen e rasteve të reja me koronavirus, Greqia po përgatitet për mbyllje kombëtare. Kryeministri i Greqisë, Mitsotakis ka njoftuar sot se mbyllja kombëtare do të nisë ditën e shtunë në orën 18:00 dhe do të zgjasë deri në 30 nëntor.
Masat kufizuese për Greqinë do të jenë të njëjta me ato që u morën në muajin mars, vetëm se shkollat fillore do të vazhdojnë mësimin në institucionet e tyre.
“Mbyllja do të jetë e njëjtë si në mars, por me një ndryshim të vogël me marsin, pasi shkollat fillore do të jenë hapur“, tha Mitsotakis, duke shtuar se mësimi në gjimnaze e universitete do të bëhet online.
Më herët, Greqia bëri të detyrueshme përdorimin e maskës në vende të mbyllura dhe të hapura. Kryeministri grek ka deklamuar se qeveria ka menduar edhe për të gjithë punonjësit, që do t’ju pezullohet aktiviteti këto 2 muaj për shkak të pandemisë dhe për të papunët. Mitsotakis është shprehur se punonjësve që do u pezullohet puna do t’ju jepen 800 euro si ndihmë nga shteti, ndërsa të papunëve 400 euro.
