Këngët e frymëzuara nga muzika e huaj apo nga artistët e tjerë shqiptar nuk janë raste të rrallë për tregun muzikor shqiptar.
Kur Bruno publikoi këngën më të re “Shqiptare” me reperin grek Tus një ditë më parë, të gjithë me siguri ju tingëlloi e dëgjuar. Dhe nuk jeni gabuar!
Të njëjtën muzikë e keni dëgjuar rreth 3 vite më parë në këngën e Kaos, “Sheqer”. I gjithë ritmi është i njëjtën dhe i këndohet në të dyja rastet femrës, por në dy drejtime të ndryshme.
Pas një kërkimi, “Iconstyle.al” gjeti se muzika në këngën e Kaos është realizuar nga Flori Mumajesi, e njëjta si edhe në duetin e Brunos dhe Tus.
Ndoshta kjo nënkupton që artistët kanë rënë në konsensus për të përdorur të njëjtën muzikë.
Doni të kuptoni se çfarë thotë refreni?
“Shqiptare, shqiptare, gjithë jetën time merre”.
Kjo do të thotë që edhe grekët janë të fiksuara pas bukurisë së femrave shqiptare dhe nuk kanë faj për këtë.
Shumica e komenteve poshtë videoklipit ishin në gjuhën greke dhe kjo u dallua edhe nga shqiptarët:
Një prej komentuesve zbuloi një detaj më shumë se, Tus është me origjinë shqiptare, pavarësisht se në materialin e tij në “Wikipedia” shkruhet se ka lindur në Parga të Greqisë.
Nuk do të jetë aspak e çuditshme që reperi të jetë me origjinë nga Shqipëria, jo vetëm pasi i këndon femrave tona, por se shpesh artistët shqiptarë në Greqi kanë mohuar origjinën, kujtojmë rastin e Konstantinos Koufos apo Eleni Foureira.
Gjithashtu në media kohë më parë Christos Tusis mohoi origjinën shqiptare, duke publikuar fotot të kartave.
Videoklipi është realizuar mes dy kryeqyteteve të Shqipërisë dhe Greqisë, por shumica e tij është xhiruar në qendër të Tiranës. Në ndonjë moment dallohet edhe fakti që Tus këndon ndonjë fjalë në gjuhën shqipe.
Burimi: Iconstyle.al
