Grabitja e 10 milionë eurove në aeroportin e Rinasit ka qenë një ngjarje e rëndë që ka prekur jo vetëm vendin, por edhe kompaninë e cila ishte e caktuar për të bërë transportimin e tyre.
Ditën e sotme ka qenë zëdhënësja e kompanisë “Austria Airlines” (kompania e ngarkuar me transportin e parave), Tanja Gruber, e cila ka dhënë një njoftim zyrtar ku ka thënë se që pas kësaj ngjarjeje, kompania nuk do të realizojë më transferime në para me Tiranën.
Sipas Gruber kjo është marrë si masë sigurie, pasi edhe nëse nuk i ndodhi gjë udhëtarëve, fluturimi është vonuar shumë.
“Pas grabitjes me armë nuk pati asnjë rrezik për ekuipazhin dhe udhëtarët. Avioni u vonua për tri orë. Por si një masë sigurie, nuk do të ketë transferime të mëtejshme në para nga Tirana në Vjenë”, ka deklaruar zëdhënësja për mediat ndërkombëtare, transmeton The Guardian. /gazetareforma.com
