Ish-truproja e Kim Kardashian beson se grabitja e saj në Paris ishte “100% një punë e brendshme”. 42-vjeçari Steve Stanulis paralajmëroi të famshmen që duhet të hiqte dorë nga media sociale dhe të ndalonte postimin e pasurisë për sigurinë e saj. Ai akuzoi grupin e sigurisë të Kim, që e lanë atë të pambrojtur, pasi ajo postoi një unazë me diamant 20 karatësh me vlerë 4.5 milionë dollarë në median sociale.
Stanulis ishte i ftuar në emisionin “Good Morning Britain”, ku u shpreh: “Nuk do të më çudiste që të ishte e sajuar për famë, por nëse është e vërtetë dikush duhet t’i thotë Kim-it që të mos u tregojë të gjithëve nëpër rrjetet sociale se çfarë do të bëjë dhe çfarë do të veshë. Sërish, nëse është e vërtetë, fajtorja është ajo!”, thotë ai.
Stanulis, një ish-polic i tërhequr dhe ish-striptist që drejton një kompani private të sigurimit, habitet me faktin që siguria e Kim nuk ishte në gatishmëri pas rrengut të bërë nga Vitalli Sediuk gjatë javës.
“Sërish, nëse grabitja do të ishte e vërtetë dhe kishte trajnuar stafin e saj të sigurisë pas këtij incidenti, do të mjaftonin vetëm dy sekonda që ky staf të kuptonte nëse ishin apo jo policë grabitësit”, deklaron Stanulis.
Ish-truproja, që u pushua nga Kanye Ëest pasi i foli Kim, shkon më tej kur thotë se “klani Kardashian është i lumtur që përfundoi në faqet të para të mediave”.
“Nuk është se kanë qenë fort në qendër të vëmendjes së fundmi, ndaj….”, shprehet ai.
Autoritetet franceze janë duke hetuar në të gjitha pistat e mundshme grabitjen, ndërsa dyshohet, të paktën sipas mediave, që grabitësit janë serbë.
Burimi: Daily Mail
