Sa gjëra kanë ndryshuar nga koha kur keni qenë fëmijë, nuk numërohen. Dhe mes këtyre gjërave janë edhe ushqimet e preferuara, të cilat me siguri shumë prej jush i kishte harruar dhe tani do të thotë: “Uaa, na kishte marrë malli!”.
Janë ushqime kaq të thjeshta, të cilat mund t’i përgatisni edhe në shtëpi disa prej tyre, por që tani janë zëvendësuar me gjëra më luksoze.
Pas këtij artikulli me siguri shumë prej jush do të shkojnë në dyqanin më të afërt ose do t’ia kërkoni mamait në shtëpi, për të kujtuar kohën kur çdo gjë e kishit gati.
1.Torta me petë dhe me vezë
Tani nëse torta nuk quhet është pa shtresën e çokollatës sipër apo atë mbulesën e sheqerit, që nuk hahet po mjafton që e bën të bukur. Dikur ëmbëlsira e preferuar për ditëlindje ishte torta me krem me vezë dhe me peta. Nëse iu shkoi në mendje tani, atëherë mund ta gjeni në disa pastiçeri të Tiranës, mjafton të pyesni.
2.Akullorja me qumësht
Pavarësisht akulloreve me 100 shije të ndryshme, ato më të mirat mbeten ato të fëmijërisë: akulloret me qumësht. Të thjeshta, por kaq të shijshme. Dhe Lori Hoxha na zgjoi dëshirën sërish për këto akullore, pasi postoi disa foto nga “Instastory”, duke na treguar vendin se ku gjeni pikërisht akullore të tilla.
3.Limonadë ujë trëndafili
Është shumë e thjeshtë për t’u bërë, por e kishim harruar në lëngjet tonë të verës që veç bozës mund të shtojmë edhe limonadën ujë trëndafili. Është kaq e shijshme dhe e shëndetshme për të gjithë. Nëse kishit harruar si bëhet, jua kujtojmë ne:
-Mbushni një kavanoz me ujë të distiluar
-Shtoni një grusht me petale të pastra trëndafili në kavanoz
-Vendoseni në diell për dy ditë
-Hiqini petalet dhe kulloni ujin
4.Vezë të rrahur
Nuk kishim maninë për të harxhuar shumë para, por kënaqeshim me pak. Në fëmijërinë tonë mjafton të kishim disa kokrra vezë në frigorifer dhe sheqer, mbi të gjitha fuqi për t’i rrahur pambarim derisa të krijohet ajo shkuma e bardhë.
5.Mollë sheqeri
Xhaxhi jashtë oborrit të shkollës shiste mollë sheqeri dhe ishin ndërsa ëmbëlsirat që preferonim më shumë. Në fakt nuk i krahasonim me ëmbëlsirat e ambalazhuara.
6.Kulaç 5 lekësh
Ndërsa kujtojmë vitet e fëmijërisë, me siguri do t’ju vijnë ndërmend edhe ata kuleç të vegjël me atë ngjyrën e kuqe sipër. Ndërsa quheshin kulaç 5 lekësh ose një brezë më i vjetër i cilësonte me emrin ingranazh, janë thjesht biskota të lyera sipër me sheqer e ngjyrues.
7.Gjel sheqeri
Nëse ju e kishit harruar ne jo. Nuk ishte asgjë tjetër veç sheqer i djegur, por na shijonte kaq shumë.
