Kanye West ka marrë goditjen e radhës. Akademia e tij “Donda” është mbyllur gjithashtu, që pasi të gjithë partnerët e tij i kthyen shpinën.
“Adidas”, “Balenciaga”, “Vogue”, “Gap” dhe “Creative Talent Agency” kanë ndërprerë partneritetin me reperin për shkak të komenteve antisemitike të kohëve të fundit.
“Komentet dhe veprimet e fundit të Ye kanë qenë të papranueshme, të urryera dhe të rrezikshme, dhe ato shkelin vlerat e kompanisë për diversitetin dhe përfshirjen, respektin reciprok dhe drejtësinë”, tha Adidas në një deklaratë.
Marka gjermane e veshjeve sportive ka njoftuar se do të ndalojë prodhimin e “Yeezy-s”.
Tani, shkolla private e Kanye në Los Angeles “Donda Academy” është mbyllur për pjesën e mbetur të vitit shkollor 2022-2023, por synon të rihapet.
Të mërkurën (27 tetor), një email iu dërgua prindërve të nxënësve të kësaj shkolle që zbuloi se Akademia “Donda” po mbyllet menjëherë, pa asnjë paralajmërim.
“Me diskrecionin e themeluesit tonë, Akademia “Donda” do të mbyllet për pjesën e mbetur të vitit 2022-2023”, thuhej në email.
“NËSER NUK KA SHKOLLË”, vazhdonte ai me shkronja të mëdha.
Mbyllja nuk është e përhershme dhe email-i shtonte se ata “do të fillojnë nga e para në shtator të 2023”.
Edhe themeluesi i “Yeezy” konfirmoi se shkolla është mbyllur në Instagram, duke shkruar:
“Jason Lee, këtu është ndikimi që po kërkoni. Shkolla ime po mbyllet. Ju dëshironi të ndihmoni ose të lëndoni.”
