Fetty Wap është arrestuar në Las Vegas të dielën në mëngjes pas një sulmi ndaj tre punonjësve të një hoteli, sipas Associated Press.
Reperi 28-vjeçar, emri i vërtetë i të cilit është Willie Maxwell, u vu në pranga nga Departamenti i Policisë Metropolitane në Las Vegas.
Fetty raportohet se ka grushtuar tre punonjës të Hotel Mirage pasi u përfshi në një debat me ta në parkim. Policia e Las Vegas-it konfirmoi arrestimin dhe akuzat për Fetty Wap i cili u mbajt për disa orë në paraburgim.
Aktualisht 28-vjeçari është lënë i lirë, por do të paraqitet në gjykatë në tetor për t’u përballuar me tre akuza për sulm.
Ky nuk është arrestimi i parë i Fetty Wap. Ai u arrestua më parë në nëntor të 2017-s dhe u akuzua për drejtim të mjetit nën efektin e substancave narkotike.
Reperi së fundmi performoi në MTV Video Music Awards në Newark, New Jersey.
Albumi i tij i fundit, Fetty Wap, u publikua në vitin 2015, me këngën e tij hit “Trap Queen” të nominuar për dy çmime Grammy.
