Aktori i njohur i Hollivudit, Johnny Depp ka folur për herë të parë për akuzat e ish-bashkëshortes së tij Amber Heard.
Në një intervistë për “British GQ”, 55-vjeçari ka mohuar gjithçka për dhunën që Amber e akuzon.
Ai madje është mjaft i inatosur kur shprehet se 3 vitet e fundit të jetës së tij kanë qenë një situatë mjaft perverse, pikërisht prej këtyre akuzave.
Historia nisi pas një selfie që Amber postoi ku dukej syri i nxirë. Akuzat ishin që Johnny e goditi me një iPhone në fytyrë partneren e tij në maj të vitit 2016, por ai ka mohuar gjithçka.
“Përse personi nuk fliste në polici?”, tha Johnny, duke iu referuar Amber-it, avokatët e së cilës kanë thënë që ish-burri i saj “e ka sulmuar dhunshëm”.
“Dua të them, ata folën me policinë, por policia nuk pa asgjë dhe i ofruan ndihmë mjekësore. Ajo tha jo”.
“Ditën tjetër ajo shkoi në një festë. Syri i saj nuk ishte i mbyllur. Ajo i kishte flokët mbi sy por sërish mund të shihje që syri i saj nuk ishte i mbyllur. Isha 7 metra larg saj, si dreqin do ta godisja. Gjë që meqë ra fjala nuk do ta bëja kurrë. Unë mund të dukem budalla, por nuk jam”.
