Këngëtari Robert Berisha ishte i ftuar së fundmi në emisionin “Breaking”, ku ndër të tjera ka prekur edhe një fenomen që ndodh rëndom së fundmi në rininë shqiptare.
Ai ka komentuar faktin që vajzat e reja në Kosovë dhe Shqipëri përfundojnë në një marrëdhënie me burra të vjetër dhe nga pikëpamja e tij, ka dhënë një arsye pse ndodh kjo.
Sipas Robertit, kjo ndodh pasi vajzat rriten pa dashurinë e babait.
“Unë i sugjeroj prindërve që t’i ofrojnë fëmijëve të tyre sa më shumë dashuri, që të mos përfundojnë keq. Sidomos me gocat ndodh kjo. Kur nuk kanë dashurinë e prindit përfundojnë edhe me burra më të vjetër siç po ndodh në Kosovë dhe Shqipëri. E kanë vetëm nga mungesa e dashurisë së babait 100%”, tha ai.
Kujtojmë se Robert dhe Patris Berisha disa muaj më parë humbën njeriun më të shtrenjtë në jetë, nënën e tyre, Teutën. Lajmin e trishtë e dhanë vetë ata përmes disa postimeve në rrjete sociale, ku tregonin dhimbjen e madhe.
“Pusho e qetë mami jem per ty me shkru kom shum, po e la me kaq”, shkroi Roberti përkrah një fotografie me nënën e tij.
