Pas lançimit të bashkëpunimit “Hajde” me Muharrem Ahmetin, i cili rezultoi tepër i suksesshëm, Enca ka treguar se punon për projektin më të ri single, të titulluar “Jealous”. Në profilin e saj në Instagram, këngëtarja ka ndarë me ndjekësit disa skena nga kënga e re e cila pritet të lançohet këto ditë dhe të gjithë kanë mbetur pa fjalë nga pamjet e klipit.
Enca shfaqet në videoklip me të pasme femrash, ndërsa ndjekësit e kanë cilësuar këngëtaren si Dan Bilzerian-i shqiptar, për shkak të pranisë së femrave të zhveshura në klip.
Për të gjitha vajzat, Enca ka publikuar pak më parë në Instastory një këshillë të vlefshme e cila lidhet me meshkujt.
“Gocani! Mos harxhoni “vitet tuaja të gjoksit më të mirë” me çunat që s’ja vlejnë.”- shkruan Enca për të gjitha ndjekëset e saj.
Kjo nuk është hera e vetme që Enca i jep këshilla vajzave që e ndjekin atë në Instagram. Herë pas here, këngëtarja tregon në rrjete sociale se i mbështet femrat dhe i nxit të bëhen të pavarura nga meshkujt.
