Me siguri të gjithë keni pyetur veten se ç’bëjnë vipat që duken menjëherë në formë pas lindjes së një fëmije dhe Kim Kardashian sapo na zbuloi sekretin e saj.
Ylli i “Keeping up with the Kardashians” është dukur gjithmonë në formë perfekte fizike, qoftë edhe disa ditë pasi ka sjellë në jetë fëmijët e saj.
Mirëpo pas kësaj, fshihej një truk i vogël.
Në një video të publikuar në profilin e saj në Instagram, Kim ka zbuluar se i adhuron korsetë që i japin formë trupit dhe i ka përdorur thuajse gjatë gjithë kohës.
Madje, pas lindjes së fëmijëve të saj, Kim ka veshur edhe 3 korse njëra mbi tjetrën për t’u dukur në formë!
“Ka pasur raste që kam veshur edhe 3 korse dhe njerëzit më kanë thënë: “O Zot, dukesh kaq mirë pas lindjes së fëmijës.” Unë i thoja: “Kam veshur 3 korse, s’jam unë.”- ka rrëfyer ajo, duke zbuluar publikisht sekretin e saj.
Në videon e publikuar në Instagram, Kim rrëfen se këtë shtator do të sjellë linjën e saj të korseve, e cila me siguri po pritet me padurim nga të gjitha femrat.
