Pasi ju dhamë disa ide për dhuratën që meshkujt duhet të bëjnë për partneren ose shoqen e tyre (Kliko këtu), tani është radha juaj vajza.
Të bësh një dhuratë për të dashurin, shokun apo vëllain, shpesh herë është e vështirë. Ndërkohë që për femra mund të ketë një mori aksesorësh, produkte makijazhi për t’i blerë, për meshkujt është siklet më vete.
Për të mos kaluar në monotoni, me dhurata të tipit parfum, këmishë, portofol apo rrip, ne ju sjellim një listë aksesorësh që duhet t’ia dhuroni meshkujve në këto ditë festash për ta bërë për vete.
Byzylyk
“Swarovski” mendon për meshkujt në këtë prag festash dhe për vajzat që ende nuk e kanë vendosur dhuratën. Byzylykët më trendi që do t’i japin veshjes së mashkullit tuaj një stil modern, vijnë me opsione nga më të ndryshmet që mund të zgjidhni.
Byzylyku Atmosphere është një aksesor që nuk i ikën koha. Ky byzylyk përmban një linjë kristalesh të quajtura Jet. Lidhjet janë hartuar në çelik inoksi me elemente metali të arit të zi dhe kombinohet lehtësisht me veshjet sport dhe “casual”.
Byzylyku Gear Cuff Black. Shtoni sofistikimin e frymëzuar nga dizajni unik dhe mashkullor që kombinon modelin e guximshëm të byzylykut me kristale të zeza dhe materialin metal në ngjyrë argjendi.
Byzylyku Diagonal me lëkurë Nëse i dashuri është tip sportiv, byzylyku ideal është ai i lëkurës në ngjyrë kafe të endur me dorë dhe tepër mashkullor. Ky dizajn i “Swarovski”-t është zbukuruar me tre unaza në pjesën e sipërme me kristale të pastër dhe metal të zi PVD. Ai është i disponueshëm në dy madhësi (Medium dhe Large).
Byzylyku me shenjën e kryqëzuar, është një dhuratë tepër e rafinuar për meshkujt. Dizajni elegant përmban një përzierje në trend të lëkurës së zezë, xhamit të zi kristal dhe metalit PVD prej ari. Ai i jep një stil unik dhe pamje burrërore çdo veshjeje. Mbyllja magnetike është e hijshme dhe e lehtë për t’u përdorur.
Varëse
Varëset janë një tjetër linjë aksesorësh, në modë këtë sezon. Për të mos qenë monotone, “Swarovski” ofron dy lloje moderne varësesh, me kryq dhe me kafkë.
Varësja e parë do ta plotësojë pamjen e mashkullit tuaj me kryqin aq në modë me kristale gri në prerjen Baguette. Varësja vjen në një zinxhir çeliku dhe tepër rezistent. Ajo është e kombinueshme për çdo lloj stili, nga ai “casual”, te sportivi apo klasiku.
Varësja me kafke njeriu është perfekte për meshkujt që kanë një stil rrok dhe vishen me të zeza. Ajo tregon një kafkë metalike të stolisur me kristale. Varësja ka një zinxhir rezistent në madhësi mesatare. Ajo mund të kombinohet me golfe të zinj dhe këmisha me mëngë të përthyera, për t’u dukur edhe më shik.
