Që Valon Shehu ka qenë kahera një prej djemve hot të muzikës rock (ose së fundi pop), kjo dihet.
Por sot ishte i ftuar tek “Rudina” bashkë me të vëllanë dhe Vigani ishte me të vërtet një vigan ose siç i themi ne nga anët tona, bishë palestre.
Dy vëllezërit hot ishin në të njëjtin emision, u ulën në të njëjtin divan dhe kamera i fokusoi në të njëjtën kohë.
Edhe Vigani, ashtu si Valoni, ka konkurruar tek Kënga Magjike tri vite më parë.
Ai ka publikuar edhe dy klipe vetëm si edhe një këngë me Korab Jetishin.
Por, së fundi Vigani i është dedikuar stërvitjes në palestër duke ia dalë të kthehet në një burrë plot muskuj brenda vetëm 6 muajve.
Në fillim të majit, ai u shpall kampion në Men’s Classic Albania.
