Sipas të gjithë ekspertëve të modës, çdo femër duhet të ketë të paktën një xhaketë klasike të zezë në gardërobë që mund të vishet thuajse kudo.
Por në 2019-n, xhaketa vjen në një formë të re dhe ndoshta jo çdokush do ta mirëpresë, por një gjë është e sigurt: ky trend po bën namin!
Bëhet fjalë për xhaketat me prerje femërore që eksopozojnë njërën anë të dekoltesë, ose ndryshe, gjysmëxhaketat.
Në formë kostumi me pantallona apo në formë fustani, gjysmëxhaketat duket se do të pushtojnë 2019-ën, me personazhe të shumtë VIP që e kanë përqafuar menjëherë trendin.
Të fundit që kanë rënë në sy kanë qenë Kourtney Kardashian e cila kishte zgjedhur një gjysmëxhaketë vintage nga Jean Paul Gaultier për ditëlindjen e John Legend, si dhe ish-kunata e saj Blac Chyna, e cila gjysmën munguese të xhaketës së saj e ka kompensuar me një fustan sexy.
https://www.instagram.com/p/Bshcf6AAB63/?utm_source=ig_share_sheet&igshid=ll556y489huw
Ky trend gjithashtu ka mbërritur dhe në Shqipëri ku ndër të parat që e ka pikasur, ka qenë Zaimina Vasjari, e cila në një foto të postuar në Instagram, shihet me një gjysmëxhaketë version fustan, tepër joshëse.
Burimi: Style Caster
