Ajo është vetëm 24 vjeç dhe ka një karrierë si zyrtare në Ukrainë. Pavarësisht pozicionit, imazhi i Anastasia Deeva është kritikuar që në fillimet e saj.
Pasi u emërua zv/ministre e Punëve të Brendshme, Arsen Avakov, ministri i Punëve të Brendshme, i doli në mbrojtje Deeva-s kundrejt sulmeve që lidheshin me moshën e saj të re.
Tashmë, pas skandalit të fotove gjysmë nudo pjesë e të cilit është bërë 24-vjeçarja e martuar, ministrit Avakov i duhet ta mbrojë sërish vartësen e tij. Bëhet fjalë për disa fotografi, të cilat zv/ministrja i ka realizuar gjatë kohës që ishte ende në fakultet.
Ajo shfaqet përkrah ish-të dashurit dhe gjysmë nudo, ndërsa pozon para pasqyrës apo shtrirë në krevat.
E megjithatë, Avakov ka thënë që pamje të tilla nuk ndikojnë aspak në vlerësimin që ai ka për të. Ministri shtoi se fotot private të shumë kohëve më parë, s’kanë asnjë lidhje me aftësitë e saj në punë, të cilat janë përtej prishmërive të çdokujt.
