Disa ditë më parë, Kiara Tito zbuloi se do të rikthehet sërish në ekran me një program të ri, i cili në fakt ishte paralajmëruar prej kohësh. Bëhet fjalë për programin “Style Star”, i cili është gati dhe Kiara ndau disa ditë më parë promon e tij në Instagram.
Ndërkohë e ftuar ditën e sotme në emisionin “ABC e Pasdites”, Kiara Tito tregoi se emisioni do të nisë në 19 mars dhe se pjesëmarrëse janë vajza të cilat garojnë me njëra-tjetrën, ndërsa juria përbëhet nga Niko Komani dhe Miranda Dupi.
Gjatë intervistës moderatorja u surprizua nga gjyshja e saj, që i kishte dërguar një videomesazh. Gjyshja, përveç përgëzimeve, i bëri publikisht edhe një kërkesë moderatores.
“Mund të lidhesh me ndonjë shok, sepse ngelët edhe jashtë nëpër restorante. Kështu që ai shoku të mbledh”, tha gjyshja e Kiarës, ndërsa kjo e fundit qeshte teksa e dëgjonte. Në fund Kiara u përlot dhe tha se gjyshja është një nga njerëzit më të rëndësishëm.
Mirëpo në këtë mënyrë, gjyshja e Kiarës sapo zbuloi se moderatorja është ende beqare dhe se nuk e ka gjetur njeriun e jetës. Këtë gjë e konfirmoi edhe vetë Tito, e cila me shaka i tha gjyshes se do i duhet ta mbajë edhe për pak kohë në shtëpi.
“Ka kohë për këtë pjesë. Nëna kam përshtypjen se do më mbash edhe për ca kohë, nuk të shqitem kollaj. Nuk jam në një lidhje për momentin”, tha Kiara.
