Sara Hoxha dhe Ledri Vula organizuan një baby shower për vajzën e tyre ditën e sotme në oborrin e vilës së familjes Vula. Çifti mblodhën miqtë dhe njerëzit e tyre më të afërt, e mes tyre nuk munguan as personazhet e njohur si Kida, Dhurata Dora, Ermal Fejzullahu etj.
Nga postimet në rrjete sociale duket se i madh e i vogël e kanë shijuar festën në maksimum, por gjyshja e Ledrit ka tërhequr më shumë vëmendjen e të ftuarve. Kjo e fundit ka kërcyer njësoj si më të rinjtë nën ritmet e muzikës moderne, por më e bukura nga të gjitha ishte surpriza që ajo kishte përgatitur për Ledrin e Sarën.
Gjyshja ka dalë para të gjithëve e ka kënduar një këngë dhe tekstin e ka bërë posaçërisht për nipin e nusen e saj. Këtë moment special e ka ndarë nëna e Ledrit, Xheraldina dhe përmes saj e kanë kuptuar të gjithë se nga e ka trashëguar reperi pasionin për muzikën.
https://www.instagram.com/p/CF70-_pntSK/
Kujtojmë se Ledri jeton në të njëjtën shtëpi me prindërit dhe gjyshërit e tij, e me këta të fundit ka treguar se ka një raport shumë të veçantë.
