Njerëzit kanë dëgjuar mjaftueshëm nga Julia Fox.
Së fundmi, ajo ka reaguar për gjyqin Heard-Depp. Fox ka shkruar se Amber Heard “kurrë nuk do të kishte fuqi” për të abuzuar me Johnny Depp.
“E pavërtetë. Ajo kurrë nuk e ka fuqinë që të abuzojë me të”, komentoi Fox, 33 vjeç, në Instagram për gjyqin e vazhdueshëm të Heard dhe Depp për shpifje në Fairfax, Virxhinia.
“A e goditi ajo? Po. Ishte abuzim? Jo. Ajo ishte 25 vjeç. Ai ishte gjithmonë shumë më i fuqishëm, si fizikisht ashtu dhe financiarisht”.
“Post” ka kontaktuar me Fox për komentin e saj.
Aubrey O’Day bëri menjëherë një reagim pas komentit të Fox.
“Shumë njerëz të dobët dhe jo të famshëm kanë abuzuar me partnerin e tyre”, shkroi në Twitter. “Abuzimi është thjesht trajtim mizor dhe i dhunshëm ndaj një personi. Pushteti nuk është faktor i domosdoshëm.”
Të tjerë e sulmuan Fox-in, duke thënë se ajo “përfaqëson zërin e idiotëve” dhe se kushdo që pajtohet me të duke pëlqyer komentin e saj është “shumë i sëmurë”.
Por jo të gjithë ishin kundër mendimit të Fox. Prezantuesi i podkastit, Michael Hobbes vuri në dukje se ka prova ” shumë më të forta” kundër Depp.
“Ka padyshim prova që Heard ishte abuzive, por ka prova (shumë të forta) që Depp ishte abuziv,” tha ai.
