Endrit Vejsiu, vëllai i moderatores së njohur Alketa Vjesiu, i cili u arrestua pasi iu gjendën mina në automjetin e tij të dielën, ka dalë sot para gjykatës.
Gjykata e Lezhës vendosi lënien në arrest me burg të Endrit Vejsiut, deri në përfundim të hetimeve.
Pas përfundimit të seancës, Vejsiu doli jashtë ambienteve të gjykatës me pranga në duar dhe i shoqëruar nga forcat e policisë.
Ai i bëri thirrje të ëmës që ishte e pranishme që të mos mërzitej.
“O ma mos u mërzit”, ishin fjalët e vetme që ka thënë Vesjiu pasi ka dalë nga gjykata.
Vëllai i moderatores u kap gjatë operacionit “Telekomanda”, teksa po qarkullonte me një mjet tip “Opel” dhe gjatë kontrollit u konstatuan katër mina me telekomandë dhe një sasi lënde narkotike që ndodheshin në gomën rezervë në bagazh.
Ai u arrestua menjëherë për veprat penale “Prodhim dhe shitje e lëndëve narkotike” dhe “Trafikim i lëndëve plasëse”.
Forcat e policisë kanë pasur një informacion paraprak për veprimtarinë e të riut nga Tirana, i cili do të kryente transportin e minave me telekomandë, që dyshohet se do të përdoreshin nga porositësit për qëllime kriminale.
