Një gjumë i mirë dhe një natë e qetë është thelbësore për një ditë të re plot energji. Nuk mund ta nisni një ditë mbarë, kur ju zgjoheni me dhimbje koke apo nëse orët e gjumit i keni kaluar duke u përpëlitur tërë natën.
Më poshtë do të gjeni pesë këshilla, se si mund të flini qetë e në mëngjes të ndiheni gati për të filluar një ditë të re.
1.Fikni të gjitha pajisjet elektronike dhe jepini vetes pak qetësi, së paku një orë para se të shtriheni në shtrat.
Bëni diçka qetësuese, në vend që të rrini për minuta në tërë në celular lexoni të paktën 10 faqe të një libri. Gjumi do t’ju zërë më shpejt dhe nuk do të keni asnjë shqetësim natën.
2.Ushtrime , por jo të rënda
Meditoni apo bëni joga të lehtë, për të ndihmuar të çlodhni trupin tuaj, për një natë e gjumë qetësues.
3.Ruajtja e një rutine
Shkoni për të fjetur dhe të zgjohuni rreth të njëjtës kohë çdo ditë, madje edhe në fundjavë, për të shmangur çrregullimet e “orës së brendshme“ të trupit të njeriut.
4.Pini ujë
Një gotë me ujë ose me qumësht do t’ju mbajë të hidratuar (veçanërisht nëse ju flini me ajër të kondicionuar).
5.Mbani çorape veshur
Nxehtësia do të rrisë qarkullimin e gjakut në sipërfaqe dhe do të ulë temperaturën e brendshme të trupit, duke ju ndihmuar të flini më mirë.
