Celine Dion e emocionuar nuk i mbajti dot lotët në skenë, ku u ngjit gjatë qëndrimit të saj në Las Vegas në nder të bashkëshortit të saj që ndërroi jetë së fundmi, Rene Angelil.
Këngëtarja performoi për herë të parë pas vdekjes së bashkëshortit të saj muajin e kaluar, duke kënduar “With One More Look At You/Watch Closely Now” në koncertin e saj tek Caesars Palace të martën.
Celine nisi të qante ndërsa po fliste për dashurinë që kishte për bashkëshortin dhe menaxherin e saj, i cili ndërroi jetë në moshën 73-vjeçare pas një beteje të gjatë me kancerin.
Shfaqja nisi me një montazh të ëmbël të fotografive dhe videove familjare, nga periudha kur Celine nuk kishte bërë performancën e parë deri në vdekjen e Rene-s.
Pas një duartrokitje të gjatë nga spektatorët, 47-vjeçarja nuk i mbajti dot lotët teksa ndante kujtimet që kishte me bashkëshortin e saj.
“Gjatë jetës sime, i kisha sytë vetëm për bashkëshortin tim, i cili u ulte këtu natë pas nate. Njerëzit mendonin se unë po shikoja atë, por unë kisha nevojë, sepse çdo herë që unë mbyllja sytë unë ndjeja Rene-n në skenë me mua. Pavarësisht se ai do të ulej në këtë vendin këtu, në ballkon, në prapaskenë ose në shtëpi me fëmijët, ai gjithmonë do të ishte në skenë me mua dhe asgjë nuk do ta ndryshojë këtë”, tha Celine.
Burimi: Daily Mail
