Harrojini daljet në tapetin e kuq dhe darkat luksoze, Pete Davidson dhe Emily Ratajkowski preferojnë t’i bëjnë gjërat pak më të thjeshta.
Pas disa javësh thashetheme për një romancë, dyshja e famshme së fundmi ndoqën një ndeshje të New York Knicks në Madison Square Garden, duke shënuar kështu daljen e tyre të parë publike si çift.
Ka qenë llogaria zyrtare në Instagram e skuadrës së basketbollit, e cila ndau foto të Davidson dhe Ratajkowski duke shijuar ndeshjen.
View this post on Instagram
Siç duket edhe nga fotot dyshja duken shumë të afërt dhe të qeshur me njëri-tjetrin.
Modelja kishte veshur një xhup të fryrë ngjyrë kafe, xhinse dhe çizme me lëkurë gjarpri deri tek gjuri, ndërsa Davidson kishte veshur një kostum sportiv blu.
Kjo natë takimi më e fundit vjen pas raportimeve se çifti festoi së bashku “Ditën e Falënderimeve”. Modelja dhe komediani u panë në sfondin e një darke Friendsgiving me shefin e markës së “Bumble” javën e kaluar përpara se postimi të fshihej me shpejtësi.
Ata u panë së bashku për herë të parë në ditëlindjen e 29-të të Davidson. Paparazzi e ndoqi Ratajkoëski-n deri te dera e një ndërtese ku ajo u pa duke u përqafuar me komedianin.
Kjo romancë e Pete Davidson vjen pas ndarjes së tij nga Kim Kardashian. Nga ana tjetër edhe Ratajkowski u nda me bashkëshortin e saj prej tre vitesh Sebastian Bear-McClard në korrik pas raportimeve të shumta se ai e kishte tradhtuar.
