Pasi David Cameron dorëzoi dje dorëheqjen, menjëherë pas fjalimit të tij prekës, zëvendësuesja e tij është Theresa May. Ajo mori zyrtarisht pasditen e sotme detyrën si kryeministre e Mbretërisë së Bashkuar.
Ish-sekretarja e Punëve të Brendshme shkoi në Pallatin Buckingham, ku pranoi zyrtarisht ftesën e mbretëreshës për të formuar qeverinë e re. Ajo bëhet kështu kryeministrja e dytë grua në historinë e Britanisë së Madhe, pas Margaret Thatcher.
Zonja May, 59 vjeç, fitoi krejt papritur garën për lidershipin e konservatorëve, pasi kandidati rival Andrea Leadsom u tërhoq ditën e hënë. Një nga detyrat e saj të para do të jetë krijimi i ekipit të ri ministror.
Ajo ka një eksperiencë akademike të shumëllojshme në sektorin publik dhe privat. Ajo ka studiuar në Universitetin e Oksfordit dhe e ka nisur karrierën në Bankën e Anglisë si përgjegjëse e Departamentit të Marrëdhënieve Europiane si edhe si këshilluese e marrëdhënieve me jashtë.
May është përfshirë në politikë në të gjitha nivelet për shumë vite me radhë, si fillim në nivel lokal, si pjesë e Partisë Konservatore përpara se të merrte detyrën si këshilltare e LBM (London Borough of Merton) nga viti 1986 deri në 1994-ën.
Theresa ka qenë anëtare e Parlamentit për Maidenhead në maj të vitit 1997. Gjithashtu, gjatë kësaj kohe ajo ka qenë pjesëmarrëse e rregullt dhe aktiviste e shoqërisë civile në vendin e saj, për të përmirësuar Linjën e Trenave, shërbimin në spitale si edhe për të përmirësuar qendrën e Maidenheadtoën.
May ka mbajtur poste të ndryshme në Parlament që prej vitit 1997. Nga viti 2002 deri në vitin 2003 ajo është Kryetarja e parë grua e Partisë Konservatore. Ajo ka luajtur një rol të rëndësishëm kundër emigracionit dhe për forcimin e mbrojtjen e kufijve nga terrorizmi si edhe si aktiviste e rregullt për mbrojtjen e Të drejtave të Grave dhe Barazisë Gjinore në vitet 2010-2012.
Ajo është e lidhur me imazhin e gruas së hekurt dhe të zgjuar Margaret Thatcher. Një kërkim i shpejt në “Google” të May-t sjell përshkrimin e një gruaje me një vlerësim të qartë për stilimin e përkryer dhe varëset e veçanta.
Ajo mban një stil të qartë të rafinuar, por gjithmonë duke ndjekur trendet më të fundit: flokët e saj bob bionde, dashuria e saj për këpucët, me një takë të vogël, por guxon edhe me çizme. Stili zyrtar është ai që mbizotëron me kostume me pantallona ose funde, por gjithmonë duke mbajtur linjën e saj të dallueshme.
*Shfleto galerinë
Burimi: Mirror/ Fashion Plus Magazine
