Shumë shpejt do të kemi një libër me receta gatimi për fëmijë nga Alfio Rrotani dhe Fatma Metahasni. Sigurisht që recetat i ka në dorë shef Alfio, ndërsa Fatma do të kujdeset për çdo detaj tjetër të rëndësishëm.
Lajmin e bukur e ka zbuluar vetë moderatorja përmes një postimi në Instagram. Ajo ka publikuar foto nga një zyrë, në të cilën punon me Alfion për këtë projekt të ri. Fatma tregon se e gjithë ideja nisi nga diskutimet që ata të dy kanë mes tyre për ushqimet që duhet të gatuajnë për djalin, Noah.
“E gjitha nisi me çfarë supe do bëjmë sot për Noah-n? Vjen së shpejti një libër me receta për fëmijë, por që do lumturojë mamat e babat që gatuajnë për të vegjlit e tyre! Çdo detaj po e kuroj unë me shumë dashuri, se për recetat kemi mjeshtrin”, ka shkruar Fatma përkrah fotove.
Ndërkohë kujtojmë se para disa javësh, Alfio i propozoi Fatmës për martesë me rastin e 26-vjetorit të saj. Shefi i kuzhinës kishte përgatitur gjithë surpirzën për partneren e tij dhe ju ul në gjunjë para të ftuarve të festës për t’i propozuar. (Kliko)
