Në qershor të këtij viti, reperja e famshme Iggy Azalea u bë nënë për herë të parë në moshën 30-vjeçare.
Ajo e dha vetë këtë lajm të bukur për fansat në rrjete sociale, megjithatë preferoi të mbetej diskrete për të dhënë më shumë detaje, përfshirë këtu edhe babain e fëmijës.
“Unë kam një djalë. Po prisja momentin e duhur për të thënë diçka, por ndjej se sa më shumë koha kalon, aq më shumë kuptoj se do të ndjehem e shqetësuar për të ndarë lajme gjigante me botën. Dua ta mbaj private jetën e tij, por doja të sqaroja se ai nuk është sekret dhe unë e dua atë përtej botëve.”, shkroi Iggy në Instastory.
Së fundmi, reperja po shijonte lidhjen e saj me PlayBoi Carti, ndaj fansat besuan se ai ishte edhe babai i fëmijës.
Në fakt, ky lajm është konfirmuar nga vetë Iggy, e cila fatkeqësisht konfirmoi ndarjen nga reperi.
Në postimet e saj në InstaStory, ajo tregonte se do ta rriste e vetme djalin dhe se nuk ishte më në një lidhje.
Për më tepër, reperja na ka prezantuar për herë të parë me të birin, emri i të cilit është Onyx.
Iggy nuk e ka bërë të ditur arsyen e ndarjes, megjithatë duket se i biri i ka dhënë forcë, teksa ajo është shfaqur super në formë krah tij.
