Në fillimet e veta si reper, Gjiko ka qenë më i hequr në fytyrë.
Me kalimin e kohës, veçanërisht para se të bëhej baba për herë të parë, reperi u duk se lëshoi pak pe me ushqimin dhe stërvitjen.
Por tani, Gjiko ka ndërmend të kthehet në peshën e përhershme dhe duket se po ia del.
Reperi tregoi në Instagram se i është dedikuar dietës ketogjenike dhe madje, ka arritur në nivelin e tretë të saj, duke përshpejtuar metabolizmin dhe duke djegur më shumë yndyrna në trupin e tij.
Dieta Keto, është bërë shumë e njohur kohëve të fundit prej personazheve publike që e kanë sugjeruar në rrjetet sociale.
Fillimisht, ishin personazhe si Kim Kardashian apo Gwyneth Paltrow të cilat e përdorën duke reklamuar rezultatet e shpejta të kësaj diete.
Në thelb të dietës Keto, është eliminimi sa më tepër i karbohidrateve dhe konsumimi vetëm i proteinave.
