Ditën e sotme në mediat rozë qarkulloi lajmi se reperi i njohur Gjiko, dhe moderatorja Elita Rudi në datën 23 gusht do të kurorëzojnë me martesë lidhjen e tyre të dashurisë.
Dyshohet se ky nxitim i çiftit lidhet me faktin se Elita mund të jetë shtatzënë dhe së shpejti ata do të bëhen prindër për herë të parë.
Mirëpo ndërkohë që lajmi i dasmës bëri xhiron e rrjetit duke i gëzuar fansat e tyre të shumtë, Gjiko duket se i ka mohuar këto zëra.
Ai ka qenë në Llaman për një koncert dhe është pyetur nga gazetarja e emisionit veror të “ABC”-së se nëse dasma e tyre do të mbahet në muajin shtator.
“Jo kush të ka thënë. Jo se e kanë nxjerrë pa lidhje mediat”, ka thënë Gjiko duke i konfuzuar akoma më shumë fansat.
Nuk e dimë nëse Gjiko mohoi faktin që nuk bëhet fjalë për në shtator, por për në gusht, apo nëse nuk do të kemi dasëm fare këtë vit.
