Këngëtarja Adelina Tahiri është komentuar shumë nga publiku për martesën e saj me avokatin Serjoza Markov, faktin që bëri një fëmijë me të, si dhe jetën super luksoze që po bën.
Megjithatë, pavarësisht fjalëve, ajo vazhdon jetën e qetë dhe ka treguar se është shumë e lumtur me partnerin dhe djalin e tyre, Jonin.
Vazhdimisht në profilin e saj në Instagram, këngëtarja ndan me ndjekësit momente nga përditshmëria apo pushimet luksoze.
Një pjesë të madhe të ditës së saj ajo e kalon me Jonin, të cilin së fundmi e ka filmuar duke ecur nëpër shtëpi.
Joni ka hyrë në garderobën e Adelinës dhe me atë rast edhe ne kemi parë garderobën e këngëtares.
Adelina ka filmuar dhomën gjigante ku gjithçka është vendosur me rregull dhe rrobat janë të ndara në dollape të veçantë.
Në një pjesë të garderobës duken çantat e këpucët, ku Joni preferon më shumë të luajë.
Siç e dëgjoni në video, Adelina i flet të birit shqip dhe ai e kupton shumë mirë këtë gjuhë.
Pas lindjes së vogëlushit, këngëtarja u rikthye me një projekt të ri muzikor të titulluar “Përgjithmonë”, të cilin e publikoi në korrik të këtij viti.
