Dimri ka trokitur edhe në Shqipëri, ndaj temperaturat sa vijnë e ulen. E ndërsa të gjithë ne strukemi pranë oxhakut për t’u ngrohur, ka të tjerë persona që e kanë të pamundur të sigurojnë edhe një xhup, për shkak të pamundësisë ekonomike.
Ndaj disa të rinj në Tiranë, kanë pasur idenë gjeniale për të nisur nismën “Dhuro një xhup, ngroh një shpirt” për t’u ardhur sadopak në ndihmë. Ditën e sotme, ata kanë qëndruar në sheshin Skënderbej ku kanë mbledhur më shumë se 500 xhupa dhe më pas, i kanë shpërndarë në pemët e kryeqytetit.
Nisma ka rezultuar me sukses, pasi të gjithë xhupat janë marrë nga pemët nga personat e pastrehë. Duket se pjesë e nismës janë bërë edhe këta vogëlushë, të cilët kanë qëndruar në shesh duke ndihmuar personat që kanë më pak fat se ata.
