Moderatorja shumë e dashur për publikun shqiptar, Arbana Osmani, përpiqet të jetë sa më aktive në rrjete sociale dhe të ndajë sa më shumë nga përditshmëria e saj.
Jeta e lodhshme me dy djem gjatë kohës që është shtatzënë, gatimet e shijshme, rutina e mëngjesit apo e darkës e gjëra të tjera si këto i shohim shpesh në llogarinë e Arbanës.
Mirëpo, story-t e ditës së sotme ishin pak më ndryshe dhe na i prekën zemrat.
Tashmë që Joni është rritur, ka vendosur të ndryshojë krevatin e tij dhe atë që ka, do t’ia japë dikujt tjetër.
“Koha të bëjmë një tjetër fëmijë të lumtur”- shkroi Arbana.
Personi që do të marrë krevatin e Jonit është përzgjedhur dhe është një vogëlush që po lufton me sëmundjen e vështirë të leuçemisë.
Një pusullë falenderimi i ka ardhur nga vogëlushi, ndërsa moderatorja e ka ndarë në InstaStory.
“Krevati i Jonit shkoi për një superhero që quhet Troy, i cili me guxim po lufton një sëmundje të vështirë si leuçemia dhe po ia del më së miri.”- shkruan Arbana.
Arbana ndihmon herë pas here njerëz në nevojë dhe ndonjëherë zgjedh që këto raste t’i bëjë publike në rrjete sociale, për të shtyrë edhe publikun të bëjë gjeste të tilla.
