Capital T është një nga reperët më të njohur e më të suksesshëm shqiptar, i cili sot e ka festuar ndryshe festën e Fiter Bajramit.
Para pak minutash në Instagramin e tij ai ka postuar disa video radhazi ku ka treguar se dje në prag të festës së madhe e ka kaluar ditën bashkë me 3 fëmijë, të cilët në përditshmëri lajnë xhamat e makinave në rrugë, për të fituar ndonjë monedhë.
Pasi i ka parë në rrugë, ai ka vendosur t’i marrë në makinë, i ka dërguar të blejnë rroba të reja e më pas ka drekuar me ta.
“Para gjithçkaje, para se të fillojë çfarëdo lloj paragjykimi, dua të ndaj disa fjalë me ju. Dje, në rrugë për në shtëpi nga studio, ku unë isha nisur për të ngrënë drekë me familjen, këta fëmijë m’u afruan te xhami i veturës si çdo herë tjetër. Në moment, prej dëshirës edhe vullnetit të mirë, vendosa të ndërrojë rrugën edhe i mora disa prej tyre për t’i shëtitur, për t’i veshur e për t’i ushqyer mirë. Në pamundësi për ta bërë çdo ditë këtë gjë, të paktën në ditë feste kur të gjithë hamë e festojmë, e meritojnë edhe ata të ndihen njësoj si çdo fëmijë tjetër që rritet në rrethana më të mira. Vetë fakti qe këta fëmijë u ndjenë mirë, më ka dhënë kënaqësi e motivim mua personalisht që kalova disa orë me ta.
Ku ka diçka më të mirë, se të bësh dikë tjetër të lumtur, e sidomos fëmijët, të paktën për një ditë të vetme…”, ka shkruar reperi krahas videove të postuara.
