Tërmeti tragjik i 26 nëntorit ka lënë në qiell të hapur banorët që ndodheshin në zonat e prekura nga tërmetet.
Deri tani mësohet se kanë humbur jetën 40 persona dhe qindra të tjerë janë plagosur, gjendja është shumë delikate dhe pjesa më e madhe e banorëve po strehohen përkohësisht në çadra.
Në çadra ndodhen edhe fëmijë, të cilët sigurisht që po e përjetojnë edhe më keq këtë situatë traumatike.
Të shumta janë ndihmat që kanë shkuar për ta por gjesti që ka bërë një i ri, na ka habitur të gjithëve.
Mbrëmjen e djeshme një i ri nga Shkodra i njohur si “Kllouni Erind” ka udhëtuar posaçërisht drejt kampit në Durrës për të argëtuar fëmijët.
Në këto momente të vështira për ta, ai ka dhuruar pak buzeqeshje per fëmijët.
Me anë të lojërave ai i ka angazhuar për disa momente që fëmijët sado pak të harronin kaosin që është krijuar.
