Elvana Gjata është divë ekrani, por është gjithashtu e vogla e përkëdhelur e familjes.
Këngëtarja është tepër e lidhur me prindërit e saj, të cilët i publikon herë pas here në rrjete sociale. Asaj i pëlqen të kalojë kohë me ta dhe të bëjë aktivitete të ndryshme.
Mbrëmjen e kaluar, këngëtarja e hitit “Gajde” ishte e ftuar për të performuar në festivalin e Dua Lipës dhe babait të saj Dukagjinit, nata e parë e të cilit u mbajt mbrëmë në Kosovë.
Në mes të performancës dhe në mes të turmës, Elvana gjeti rastin t’i uronte ditëlindjen babait të saj.
Të gjithë kënduan njëzëri “Shumë urime për ty” së bashku me Elvanën, ndërsa kjo do të jetë një surprizë shumë e këndshme për prindin e saj.
View this post on Instagram
“Gëzuar ditëlindjen babi! Je më i shtrenjti im”- shkroi Elvana krahas postimit.
Në një të ardhme, Elvanën mund ta shohim në bashkëpunim me Noizy-n, pasi gjërat mes tyre janë sheshuar. Duket se reperi i ka kërkuar falje që e ka përmendur në një këngë të vjetër, teksa është shprehur:
“Kemi folur me Elvanën. Noizy i dikurshëm, i 2008-ës, e ka bërë një këngë që quhet “Jena mbretër” edhe është përmendur pak Elvana aty, të cilën e kemi diskutuar dhe i kam thënë që ka qenë thjesht një këngë. Ajo këngë tashmë është himn i çdo diskoje. Unë kam gjithë ato vite karrierë dhe atë këngë akoma duhet ta këndoj. Do doja shumë të mos e kisha përmendur, sepse është një vajzë shumë e mirë, vajzë fantastike”, është shprehur Noizy duke lënë të nënkuptojmë që hatërmbetjet mes tyre tashmë nuk ekzistojnë.
“Mund të keni një bashkëpunim?”, i tha Ori Nebijaj
“Po, e kemi diskutuar. Nuk dua ta mbyll karrierën pa patur një këngë me Elvanën”, tha reperi.
