Anila Liçi, është një rrobaqepëse nga Elbasani, e cila në këto ditë të vështira ka vendosur të japë kontributin e saj.
Meqë në vendin tonë dhe jo vetëm, ka një mungesë të theksuar të maskave ajo ka qepur 3000 të tilla dhe të gjitha i ka dhënë falas.
Ajo i ka dhuruar për disa institucione, që në këto ditë janë në frontin e parë të luftës, si në spitale, policii dhe zjarrfikse.
Në një intervistë për “Report TV” ajo ka treguar më tepër për gjestin human, i cili është për t’u marrë shembull.
“Deri tani 2000 janë dhuruar, kam dhe 1000 gati që do i dërgoj. Maskat i kam shpërndarë në shumë institucione aty ku punonjësit duhet të jenë në punë, si policiave rrugore, në supermarkete, në spitale. Mungonin maska ose kushtojnë për këtë mendova pse mos t’i qep për t’i shpërndarë”, tha Anila.
Më tej ajo ka dhënë edhe një mesazh për të gjithë, ku u bën thirrje që të kontribojnë me aq sa kanë mundësi.
“Ato që kanë mundësi të kontribojnë sa më shumë se situata nga koronavirusi ka sjellë një kaos si për punën dhe kontributi mund të jetë nga çdo njeri i thjeshtë“, përfundoi ajo.
