Mbrëmjen e sotme në qytetin e Shkodrës janë raportuar edhe 12 raste të reja me koronavirus.
“ABC News” bën me dije se sipas informacioneve parapran, pjesa më e madhe e tyre janë familjarë të dy rasteve pozitive që u konfirmuan pasditen e sotme nga Ministria e Shëndetësisë.
Pas rasteve të reja, numri i të prekurve në Shkodër shkon në 27.
Për dy rastet e komfirmuara në mesditë, bëhej fjalë për një 65-vjeçare nga Kirasi dhe një burrë 55 vjeç nga Dobraçi.
65-vjeçarja humbi të shoqin dy javë më parë dhe ceremonia mortore është mbajtur sipas zakonit, kjo gjë mendohet se mund të ketë sjellë edhe infektimin e të moshuarës.
Kurse, 55-vjeçari mendohet se ka pasur kontakte me persona të tjerë të infektuar.
Në vendin tonë, sipas të dhënave të Minsistrisë së Shëndetësisë janë 277 raste të infektuar dhe 16 persona për fat të keq kanë ndërruar jetë.
