Prej disa ditësh rrjeti po zien nga lidhja më e re e showbiz-it e Dua Lipës dhe Anwar Hadid, vëllait të dy modeleve Gigi dhe Bella. Pas ndarjes nga Isaac Carew, Dua është hedhur në krahët e Anwar, mirëpo romanca e re nuk është pritur edhe aq mirë nga fansat. Pothuajse të gjithë simpatizojnë Isaac dhe mendojnë se ai shkonte më shumë me Duan sesa Anwar.
Pavarësisht fjalëve lart e poshtë, Dua duket se po e shijon në maksimum lidhjen e saj të re. Çifti u fotografua në momente intime gjatë një festivali, duke u kthyer në kryefjalën e mediave dhe janë kapur sërish mat ditën e sotme në ballkonin e një ndërtese, teksa qëndronin pranë njëri-tjetrit.
Mesa duket gjërat kanë nisur të bëhen serioze mes çiftit, pasi një natë më parë Anwar shkoi së bashku me Gigin në koncertin e Dua Lipës dhe ndoqën performancën e saj.
Gjithashtu së fundmi Gigi ka lënë një koment publik këngëtares në njërën prej fotove në Instagram. Në foton e Dua-s, Gigi ka komentuar dy emoji duke qeshur dhe i ka bashkëngjitur një luledielli, ndërsa këngëtarja ende nuk i është përgjigjur këtij komenti.
Kujtojmë se edhe më herët Gigi e ka shprehur simpatinë e saj për Duan, por duke qenë se tashmë e ka “kunatë”, me siguri do të shohim më shumë komente të tilla nëpër foto.
