Futbollisti ganez, Christian Atsu, është gjetur i pajetë në rrënojat e shtëpisë së tij dy javë pas tërmetit që goditi Turqinë. Lajmi i trishtë, është konfirmuar nga agjenti i ish-futbollistit 32-vjeçar të Everton, Chelsea dhe Newcastle.
Atsu ishte shpallur i humbur që prej tërmetit të 6 Shkurtit që shkaktoi shembjen e apartamentit të tij në Hatay. Klubi i tij, Htayspor, raportoi fillimisht se ai u shpëtua me disa dëmtime, por më vonë u tha se ai nuk është nxjerrë ende.
“Me zemër të thyer më duhet të lajmëroj se trupi i Christian Atsu u nxorr këtë mëngjes. Ngushëllimet më të thella shkojnë për familjen dhe të afërmit e tij. Dua të falenderoj çdo person për mbështetjen dhe lutjet”, tha agjenti Nana Sechere në një postim në rrjetet sociale.
Atsu i ishte bashkuar Hatayspor që prej Shtatorit 2022.
Christian Atsu shënoi golin e tij të fundit me një goditje dënimi në minutën e fundit të sfidës, duke qenë kështu goli përmbyllës i karrierës dhe jetës së tij.
Goli i tij i fundit erdhi disa orë para tërmetit të fuqishëm, i cili u shënua nga goditja e dënimit në minutën e 97-të. Ai e përfundoi ndeshjen e tij të fundit me klubin turk të Hatayspor si një hero, duke i sjellë fitoren me rezultatin 1-0 ekipit të tij.
The last goal of Christian Atsu’s career: a direct free-kick at 90+7′ minute to give Hatayspor the victory, a brilliant player who will be missed by everyone in the footballing world. R.I.P ❤️🙏🏻 pic.twitter.com/fe8Npj0DG7
— Alfonso Leocádio (@alfonso_leocad) February 18, 2023
