Një anëtar i ekipit të produksionit për filmin e fundit ‘Superman’ ka vdekur tragjikisht në Trilith Studios në Atlanta.
Ngjarja ndodhi mëngjesin e së mërkurës, 24 korrik, kur Departamenti i Policisë Fayetteville mori një raport për një anëtar të ekuipazhit.
Në vendngjarje u nisën forcat e rendit dhe personeli mjekësor. Pas mbërritjes, ata gjetën personin e vdekur nga një plagë e dukshme me armë zjarri. Gruaja ishte duke punuar në setin e drejtuar nga James Gunn, megjithëse roli i saj specifik nuk është bërë i ditur.
Kapiteni i Departamentit të Policisë Fayetteville Austin Dunn deklaroi se mundësia e një krimi është përjashtuar.
“Dëshmitë e mbledhura nuk zbuluan ndonjë dyshim për një krim të mundshëm,” tha Dunn.
Mbetet e paqartë nëse ngjarja ishte një rast vetëvrasjeje apo aksident.
Regjisori James Gunn informoi pjesën tjetër të ekuipazhit për incidentin, duke çuar në pezullimin e xhirimeve për atë ditë. Filmi ‘Superman’ është në javën e fundit të xhirimeve dhe është planifikuar të dalë në vitin 2025.
