Një 37-vjeçar shqiptar është gjetur pa shenja jetë në një zonë rurale jashtë fshatit Pentavrysos, në komunën e Kastorisë. Sipas mediave greke, trupi i pajetë i shqiptarit është gjetur nga një banor i zonës.
Ka qenë ky i fundit i cili ka njoftuar menjëherë Drejtorinë e Policisë së Kastorisë, e cila ka shkuar në vendngjarje dhe ka nisur hetimet për zbardhjen e shkaqeve të vdekjes së 37-vjeçarit.
37-vjeçari shqiptar, identiteti i të cilit nuk bëhet i ditur, i është nënshtruar autopsisë, ku pritet të zbardhet edhe shkaku u vdekjes. Nga këqyrja paraprake e kufomës, vrasja duket se është përjashtuar, megjithatë për një verdikt final, priten rezultatet e autopsisë.
