Është gjetur 13-vjeçarja që u pretendua që është rrëmbyer para 4 orësh në rrugën “Ndre Mjeda” në Tiranë.
13-vjeçarja është gjetur nga policia, ndërsa në dëshminë e saj të parë ka thënë se është larguar vetë, dhe e ka sajuar historinë e rrëmbimit.
Ajo ka shtuar se familjarët nuk e linin të dilte me shoqërinë prandaj është detyruar të sajojë historinë.
“Jam larguar nga banesa për të kaluar një pasdite me shoqet. Por ngaqë prindërit nuk më jepnin leje sajova rrëmbimin”, ka rrëfyer vajza.
Ngjarja ndodhi pasditen e sotme në prani të motrës së saj më të vogël.
Gjyshja e saj ka parë nga ballkoni ngjarjen dhe ka treguar se një person i ka vënë diçka në hundë dhe më pas e ka futur në makinë.
