Ditën e djeshme u mësua se dy turiste, njëra gjermane dhe tjetra polake, ishin zhdukur në rajonin malor të Alpeve Shqiptare (Bjeshkët e Nemuna).
Sipas mediave kosovare, vajzat kishin hyrë në Malin e Zi nëpërmjet Vërmoshit.
Makina e tyre ishte gjetur bosh dhe policia ishte vënë në kërkim të tyre.
Mirëpo, lajmi i mirë ka ardhur së fundmi nga një guidues i Bjeshkëve të Nemuna, Gzim Murati.
Gjatë punës së tij me turistët që vizitonin terrenin e vështirë, ai ka gjetur dy vajzat, duke publikuar edhe një foto me to në profilin e tij në Facebook.
Murati ka treguar se turistet ishin shëndoshë e mirë, por thjesht nuk kishin pasur internet.
“I gjetën,shëndosh e mirë,afër Vuthajve,thjeshtë thanë se nuk kemi pas internet,edhe se nuk kemi ditë se dikush po na kërkon.”-ka shkruar Murati krahas fotos së publikuar.
